Wer sind Gillerugger

So hets aagfange

Im Joor 1961 hänn sich e paar Basler Speezi vo dr Wettstai-Clique zämme do und d Waggis-Clique Gillerugger grindet. Mit vyyl Elan und Härzbluet hänn si e Waage baut. E Bijou isch es woorde. An dr Fasnacht 1962 isch me s erschtmool am Goorteesch mitgfaare. Underdesse isch ainiges gloffe bi de Gillerugger. Nimm di glyche, aber immer no sauglatti Speezi mache au im Joor 2020 no immer under em Name Gillerugger Fasnacht - zem 59igste mool, was fir e Waagegligge kai Sälbschtverständligkait isch! Joor fir Joor leege si sich ins Zyyg, kreiiere e neie Schlappe, e passend Goschdyym derzue und e Zeedel wird brinnslet. E haide Uffwand!!! Aber fir die drey scheenschte Dägg die fimfti Jooreszyt isch kai Grampf z grooss. Au no nach soviel Joor hän d Gillerugger no immer Fraid an dr Fasnacht und gänn alles zem Digg uuse z koo. Und das au wääge Eych, liebi Frind vo de Gillerugger. Dr Aahang vo de Gillerugger isch s A und s O. Denn was wär d Fasnacht ooni Beglaiter, ooni d Frinde wo kemme ain ko Schlugge an de Pause wärend em Goorteesch, am Zyschtig am Apero, was wäre mir ooni Eych an unsere Aalöss under em Joor. Immer volli Hytte am Spaargleässe, an dr Metzgete und andere Begääbehaite. DAS MACHT EBBE FRAID. Dorum mache mir Fasnacht, nit numme mir 16 Aggtive sonndern die ganzi GILLERUGGER-Familie.

Übrigens ha ich e mol no dr Obma gfrogt was eigentlich e Gillerugger isch und vo wo mir dä Name händ. Er het gmeint, dass es e Güllewurm isch oder au e Jauchewurm, dä wüehlt jo agäblich im Mischt und genau vo dört kunnt er denn, unsere Clique Name. Mir wüehle au im Mischt und zwar im Mischt vo de Politiker! Do no e Link zum Original us dr Tierwält!


E dreifach Gille……  Rugger, Gille……  Rugger, Gille……  Rugger

Goorteesch: Do bechunt "jede Rappe zellt" e ganz anderi Bedütig.


Fasnachts-Zyschtig: Do chunt me uf e Kaserneplatz zum Apèro.

Waage Vernissage: An dr Vernissage chunsch dr neui Waage in voller Pracht cho bestune.

DSC 0001

Spargleässe: Immer früsch gstoche!

DSC03539

Metzgete: D'Jöörlich Metzgete, scho fascht e Tradition.

DSC04041
© Gillerugger 2012